Stampot Mous mit spekjes( op zien Grunnegs)

Wat mout der in:stampot mous mit spekjes

  • 750 gram mous
  • 1 kilo eerdappels
  • 200 gram dobbelsteentjes rookspek
  • 1 snoefke zout
  • 1 kopje görde

Hou mout je t doun:

Schil d eerdappels en snie ze in geliekmoatege veureltjes en dou ze din in grode paan en zet d eerdappels veur 2/3 in t wotter. Ontdou d mous van d haarde naarvn en snie d mous in klaine veureltjes en was dit in n roeme houveulheid kolt wotter.D mous kin nou bie d eerdappels soamn mit d gört en zet dit op t vuur en voug zolt toe.Bring dit aall aan d kook en zet t vuur leeg as d stampot kookt en loat t rustig goar wordn.Onnertussn bak je in n koukepaan de spekjes knuspereg. As d eerdappels goar bint, geit t oaf en stoomt t dreug.Dou der n klont botter bie en wat widde peper en stamp t goud deur mekoar. Voug nou d spekvet en d gebakkn spekjes tou en ruier t deur d stampot.

Presentair dizze stampot mit rookwost, speklappn of n gehaktbal.